有錢就身痕(Rap Talk)

曲：家明　詞：家明

唔理你成身真金定係白銀
理財無分富裕抑或係赤貧
個個都想駛錢駛到Number One
總之有錢o係身就一定會痕

世間無論男人女人定細蚊
買衫食飯住屋睇戲都要銀
你話冇o左佢點樣去過日辰
所以就要整舊豬肉去拜神

男人有"嫘"就至想去四圍滾
魚翅"啷"口撈飯就確係過癮
女人鐘意成副身家擺上身
只要係化妝品或者黛安芬

外母鐘意買期子同儲備金
搾晒o的外匯晚晚都唔駛訓
外父賭馬操啤佢就會訓身
不過一樣都係通宵唔駛訓

靚女邊個會想嫁俾鄧寄塵
係都著埋Low Cut 搵趙世曾
傻仔冇錢o係身點樣去蜜運
你想溝女除非早早戒窮困

依家o的o靚"KEN"鐘意Michael Jackson(Out o左喇！)
嗄乜咁快就轉"態"哈利羅霖？(都Out埋喇！)
唉仲諗鬼住等佢地攪學運
總之有錢呢就個個都身痕

呀嗄！
如果一朝破產就要通街訓
到時地作龍床時天就作"撼"
歡樂今宵確係唔多點穩陣
隨時會有可能咁就瓜老襯

呀嗄！
有錢係咪一定要同人地分
唔通o的錢o係身就會鬼上身
讀書都有話過積穀防搵笨
好心啦你地都已咁大個人

獨白：識得睇，其實好好睇！

(P) 18/02/2002 Dino image Design